6â                 TESTAMENTS ENREGISTRÉS AU PARLEMENT DE PARIS            (302)
establiz noble homme, monseigneur Jehan de Trye, «hevalier, mares-chai et chambellan de monseigneur le duc d'Orleans, enferme de corps mais toutesvoies sain de pensée, ayant en lui bon sens, me­moire et entendement, si comme il disoit et par sa face et parole apparoit clerement, sachant et saigement considerant qu'il n'est chose plus certaine de la mort ne chose moins certaine de l'eure d'icelle, et pour ce, il, tandiz que sans et raison, vray propos et entendement sont en lui et le gouvernent, desirant de tout son cuer pourveoir au salut et remede de son ame, et non voulant trespasser intestat de cest siecle, mais voulant distribuer pour honneur et reverence de Dieu des biens et choses à lui prestées en ce monde mortel par son doulx sau­veur Nostre Seigneur Jhesu Crist, de ses diz biens et choses, ou nom du Pere, du Filz et du benoist saint Esperit, fist, ordonna et declaira son testament ou ordonnance de derreniere voulenté par la forme et maniere qui s'ensuit :
Premierement il, comme bon catholique et en recognoissant devo­tement son doulx sauveur Nostre Seigneur Jhesu Crist, lui recom­manda et recommande son ame, quant de son corps départira, et à la glorieuse Vierge Marie sa mere, à monseigneur saint Michiel l'ange, à saint Pere et saint Pol et à toute la benoiste et celestiel court de Pa­radis.
En après, il voult et ordonna sa sepulture de son corps en l'eglise Saincte Katheline du Val des Escoliers à Paris, en la place ou joignant de feu madame sa femme qui en ycelle eglise est mise et enterrée.
Item, il veult et ordonne, que se Loys de Trye, son filz etde sa dicte femme, va de vie à trespassement avant ce qu'il soit aagié, quil soit mis et enterré ou milieu de lui et de sa dicte femme en la dicte eglise.
Item, il veult et ordonne ses debtes et torsfais qui apperront estre paiez et amendez par ses executeurs ci après nommez.
Item, il veult et ordonne que, durant la minorité du dit Loys son filz seulement, noble homme, monseigneur Hervé le Coich, chevalier, chambellan du roy et de monseigneur le dalphin de Viennois, seigneur